Wenn Öbber hundert Johr alt wird, isch das e Grund zuem fiire,
und sait das scho e Johr devor, dass es alli au kapiere.
Es isch die alti Fabriknäschtgligge, gegründet 1923.
Trotz hochem Alter, immer aktiv, und uf gar kei Fall scho ranzig.
Hän immer prima Ideee uf Lager, das isch für d’Narrezunft e Gwinn,
wie jetz dä doppeldütigi Satz: Nit ganz hundert, das macht Sinn.
Mir Narre sin uns einig gsii, das isch die neui Fasnachtslosig,
si passt genau jetz in die Zyt, und die isch ganz bestimmt nit rosig.
Normalerwis heißt nit ganz hundert, do stimmt doch öbbis nit.
Zur Zyt isch das weltwit de Fall, de chasch mer sage was de wit.
Denn negativ isch positiv, und positiv isch schlächt.
Und alles wäge däm Corona, me verschtoht das eigentlich nit rächt.
Jetz hoffe mir mit Inbrunscht alli, dass alles wieder hundert wird.
So, dass mir Fasnacht fiire chönne, und dä Virus sich im Weltall verliert.
Natürlich git’s im Johr 22 wieder e super Fasnachts-Blagette,
die isch sicher wieder heiß begehrt, do druf cha me fascht scho wette.
Bliibet, oder werdet gsund.
Wileri un Wilero – Fasnacht in alter Form, wird ganz sicher wiedr cho.
